Bu gün Azərbaycanda İslam dünyasının ən müqəddəs bayramlarından biri olan Qurban Bayramı qeyd olunur.
Bakigundem.com xəbər verir ki, Qurban Bayramı hər il hicri təqvimi ilə zilhiccə ayının 10-cu günündən başlayır və bütün müsəlman aləmində böyük ehtiramla qarşılanır. Bu il bayramın ilk günü miladi təqvimlə mayın 27-nə təsadüf edir.
Bayram münasibətilə ölkənin müxtəlif məscidlərində ibadətlər həyata keçirilir, qurbanlar kəsilir, ehtiyacı olan ailələrə yardım göstərilir və insanlar bir-birini təbrik edirlər.
Nazirlər Kabinetinin müvafiq qərarına əsasən, Azərbaycanda Qurban Bayramı ilə əlaqədar mayın 27 və 28-i qeyri-iş günü elan olunub.
Qurban Bayramı mərhəmət, birlik, paylaşma və həmrəylik dəyərlərini təbliğ edən mühüm dini bayramlardan biri hesab edilir.
Leave a Reply